«Բաթումելեբի» և «Նետգազեթի» հիմնադիր Մզիա Ամաղլոբելիի դատավարության ժամանակ այսօր որպես վկա հարցաքննվել է «Բաթումելեբի»-ի գլխավոր խմբագիր Էթեր Թուրաձեն։

«Այս դահլիճում երկրորդ անգամ եմ։ Առաջին անգամ այստեղ հայտնվել եմ Ասլան Աբաշիձեի ժամանակ։ Դահլիճը մի փոքր այլ տեսք ուներ, և ես ցուցմունք եմ տվել Աբաշիձեի կառավարության ոստիկանության պետի դեմ, որը խաղաղ ցուցարարների դաժանորեն ցրել էր։ Երկրորդ անգամ՝ Սահակաշվիլիի իշխանության ժամանակ, երբ քննարկվում էր ՔՈՒԴ-ի բարձրաստիճան պաշտոնյայի գործը։ Ես վկայություն եմ տվել նրա կատարած հանցագործությունների մասին։ Վստահ եմ, երրորդ անգամ ևս կգամ, երբ վկայություն տամ Դգեբուաձեի և Բեսելիայի դեմ», – հայտարարել է Էթեր Թուրաձեն։

Էթեր Թուրաձեն դատարանի նիստի ընթացքում հիշել է հունվարի 11-12-ի դեպքերը, երբ ներկա էր ցույցին և Մզիա Ամաղլոբելին ձերբակալվեց։

Նիստի ժամանակ, դատավոր Նինո Սախելաշվիլու մուտքի պահին լսվել են բացականչություններ՝ «Ազատություն Մզիա Ամաղլոբելիին»։ Նիստին ներկա է եղել նաև Մզիա Ամաղլոբելին։