Բասկետբոլ | Առաջատարներից մեկը՝ Խայմե Ֆերնանդեսը, չի կարողանա օգնել Իսպանիայի հավաքականին Վրաստանի դեմ խաղում #1TVSPORT
Վրաստանի հավաքականը 2027 թվականի աշխարհի առաջնության ընտրական փուլի երկրորդ խաղը կանցկացնի Իսպանիայի հավաքականի դեմ Տեներիֆեում։
«Մարկա» հրատարակության տվյալներով՝ իսպանացիները նախկան խաղը զրկվել են առաջատարներից մեկից՝ Խայմե Ֆերնանդեսից, ում ազդրի մկանն է վնասվել:
Ֆերնանդեսը Գիորգի Շերմադինիի թիմակիցն է «Տեներիֆեում» և այս մրցաշրջանում միջինում վաստակում է 10.9 միավոր։ Դանիայի դեմ առաջին փուլի խաղում նա լավագույնն էր իսպանական շարքերում՝ 15 միավորով։
Ինչպես գրում են իսպանական լրատվամիջոցները, Դանի Դիեսի խաղը Վրաստանի դեմ նույնպես կասկածելի է, նա կոճի վնասվածք ունի, և բժշկական անձնակազմը նրա վերաբերյալ որոշում կկայացնի խաղից անմիջապես առաջ։
Իսպանիայի և Վրաստանի ազգային հավաքականների միջև խաղը կսկսվի Թբիլիսիի ժամանակով ժամը 22:45-ին։ Խաղի ուղիղ հեռարձակումը կառաջարկի Վրաստանի Առաջին ալիքը և Առաջին ալիք սպորտը։