Thai Air Asia X ավիաընկերությունը Բանգկոկ֊Թբիլիսի ուղղությամբ կատարել է առաջին չարտերային չվերթը։ Վրաստան ժամանած 330 զբոսաշրջիկների, Թբիլիսիի միջազգային օդանավակայանում դիմավորել են ավիացիոն իշխանության և Տավ Ջորջիայի ներկայացուցիչները։

Հունվարի 2 ներառյալ Thai Air Asia X ավիաընկերությունը Airbus 330  մակնիշի օդանավերով կատարելու է 5 չվերթ։ Ավիաընկերությունը հավելյալ չարտերային չվերթներ կկատարի նաև 2020 թվականի ապրիլին։

Thai Air Asia X֊ը ավիացիոն գոտում գործում է 2014 թվականից։ Այսօրվա դրությամբ ավիաընկերությունը չվերթներ է իրականացնում 66 միջազգային և 29 տեղական ուղղություններով։

Վրաստանի զբոսաշրջության ազգային վարչության տվյալներով, նոյեմբերին Տայլանդից այցելուների քանակը աճել է 1231 տոկոսով։

Հունվար֊նոյեմբերին Վրաստան է ժամանել 10 011 Տայլանդի քաղաքացի։