Բանակցությունների թեման փոխվում է, և հաջորդ փուլում մենք կքննարկենք գոյություն ունեցող, խառը ընտրական համակարգի շրջանակներում մեծամասնական մասում հնարավոր փոփոխությունները, որի շուրջ մենք արդեն սկսել ենք աշխատել ԵԱՀԿ-ի հանձնարարականների շրջանակներում,- այս մասին Վրաստանի խորհրդարանի նախագահ, Արչիլ Թալկվաձեն հայտարարել է իշխանությունների և ընդիմության ներկայացուցիչների միջև կայացած հանդիպումից հետո:

Արչիլ Թալկվաձեն շնորհակալություն է հայտնել դեսպաններին, միջազգային գործընկերներին, որ մասնակցել են բանակցություններին:

«Քննարկման հաջորդ թեման կլինի գործող սահմանադրական մոդելի շրջանակներում մեծամասնական մասի քննարկումը, թե ինչ կարող ենք անել այդ հարցով, որպեսզի մեծամասնական ընտրատարածքներում ընտրությունները լինեն ժողովրդավարական, թափանցիկ և արդար: Մենք կպատրաստվենք և բանակցությունների հաջորդ փուլին կներկայացնենք փաստարկներ: Սա նշանակում է, որ բանակցությունների թեման փոխվում է, և հաջորդ փուլին կքննարկենք գոյություն ունեցող, խառը ընտրական համակարգի շրջանակներում մեծամասնական մասում հնարավոր փոփոխությունները, որի շուրջ մենք արդեն սկսել ենք աշխատել ԵԱՀԿ-ի հանձնարարականների շրջանակներում: Մենք ողջունում ենք այն փաստը, որ վերադառնում ենք նորմալ քաղաքական գործընթացին և այն իրական խնդիրներին, որոնց շուրջ կարելի է համաձայնություն ձեռք բերել»,- ասել է Արչիլ Թալակվաձեն: