Անկախ նրանից, թե դա դուր է գալիս ոչ լեգիտիմ իշխանության ներկայացուցիչներին, թե ոչ, այսօր երկրի միակ ներկայացուցիչը, որի հետ խոսում է արևմտյան աշխարհը, Սալոմե Զուրաբիշվիլին է, ասել է «Լելոն հանուն Վրաստանի» կուսակցության առաջնորդներից Բադրի Ջափարիձեն։

Նրա խոսքով, խորհրդարանը ոչ լեգիտիմ է, և, հետևաբար, օրենսդիր մարմնի կայացրած որոշումներն անօրինական են։

«Այսօր 89 հոգի հավաքվում են ու իրենց խորհրդարան են անվանում: Նրանք կարող են հանդես գալ տարբեր հնչեղ անուններով, բայց պարզ է, որ իբր ոչ լեգիտիմ ընտրությունների արդյունքում ընտրված 89 հոգին խորհրդարան չի կարող լինել։ Այսպիսով, որոշումը, որ կայացնում են այս մարդիկ, իհարկե, նույնպես լիովին անօրինական է և ոչ լեգիտիմ։ Այսօր երկրի միակ ներկայացուցիչը, որի հետ խոսում է արևմտյան աշխարհը, որի հետ խոսում են նախագահները, Սալոմե Զուրաբիշվիլին է։ «Վրացական երազանքի» ոչ լեգիտիմ իշխանության ներկայացուցիչներին դուր է գալիս, թե ոչ, սա տրված է, իրողություն, փաստ։ Իրար կարող են խրախուսել, նշանակել նախարարներ, հանձնաժողովների նախագահներ։ Սակայն այս ամենը «կեղծ» կլինի, քանի որ սա ոչ լեգիտիմ կառավարություն և խորհրդարան է»,- նշել է Ջափարիձեն։