«Ազգային շարժման» նախագահ Թինա Բոկուչավան, կուսակցության գլխավոր քարտուղար Պետրե Ցիսկարիշվիլին և կուսակցության առաջնորդ Լևան Սանիկիձեն Մեծ Բրիտանիայում հանդիպել են Լորդերի պալատի անդամներ լորդ Ջորջ Ֆոլկի և լորդ Ջեյմս Թվիգի հետ։ Տեղեկատվությունը տարածել է «Ազգային շարժման» մամուլի ծառայությունը։

Մամուլի ծառայության տվյալներով՝ «Ազգային շարժման» պատվիրակությունը՝ Թինա Բոկուչավան, Պետրե Ցիսկարիշվիլին և Լևան Սանիկիձեն, պաշտոնական այցով գտնվում են Մեծ Բրիտանիայում, որտեղ բարձր մակարդակի հանդիպումներ են ունենում Լորդերի պալատի և Համայնքների պալատի անդամների հետ։

«Հանդիպման ընթացքում «Ազգային շարժման» պատվիրակությունը քննարկել է Իվանիշվիլիի ռեժիմը զսպելու ռազմավարությունը։ Նրանք նաև խոսել են պատժամիջոցների, այն մասին, թե որքան կարևոր է պատժամիջոցներ կիրառել Իվանիշվիլիի և նրա շրջապատի նկատմամբ, ովքեր զրկում են Վրաստանին և վրաց ժողովրդին բոլոր հեռանկարներից», – նշվում է տեղեկատվության մեջ։