Վրաստանում դեկտեմբերին դրամական փոխանցումների ծավալը տարեկան կտրվածքով աճել է 18.4%-ով՝ հասնելով 337.9 մլն ԱՄՆ դոլարի, իսկ Վրաստանից փոխանցված գումարների ծավալը՝ 17.5%-ով՝ հասնելով 40.8 մլն ԱՄՆ դոլարի. այս մասին նշված է Ազգային բանկի կողմից հրապարակված հաշվետվությունում:

Ազգային բանկի տեղեկացմամբ՝ աճի մեջ առաջատար ներդրումն ունեցել են Եվրամիությունից ստացված դրամական փոխանցումները՝ տարեկան 18.6% աճով։ 15.2% աճը շարունակել են ԱՄՆ-ից ստացված փոխանցումները։ Ռուսաստանի դրական ներդրումը դեկտեմբերին հավասարվել է 4.3 տոկոսի։

«Դեկտեմբերին դրամական փոխանցումների հիմնական աղբյուրը՝ 45.2%-ը, կազմել են Եվրամիության երկրները, 18.9%-ը՝ ԱՄՆ-ը, իսկ 12.9%-ը՝ Ռուսաստանը։ Եվրամիության երկրներից հատկանշական է Իտալիայի (17.4%), Գերմանիայի (8.9%) և Հունաստանի (8.2%) բարձր մասնաբաժինը։ Հատկանշական է, որ 2025 թվականի ընդհանուր տվյալներով դրամական փոխանցումները, 8.5% աճի արդյունքում, հավասարվել են 3.6 մլրդ ԱՄՆ դոլարի։ Աճի մեջ առաջատար ավանդը ներդրել են Եվրամիության երկրները։ Մասնավորապես, Եվրամիությունից դրամական փոխանցումները տարեկան կտրվածքով աճել են 13.4%-ով», – նշված է Վրաստանի Ազգային բանկի հաշվետվությունում։