Ազգային անտառտնտեսության գործակալության աշխատակիցները այս տարվա ապրիլին բացահայտել են փայտանյութի ապօրինի հատման և տեղափոխման 72 դեպք։

Ազգային անտառտնտեսության գործակալության տվյալներով՝ առգրավվել է մինչև 76 խորանարդ մետր ապօրինի հատված վառելափայտ և տարբեր տեսակի արդյունաբերական փայտանյութ, որը պետք է պահվեր Անտառտնտեսության գործակալության «գործարար բակերում»։

«Երկրի տարբեր շրջաններում հայտնաբերվել են անօրինական անտառահատման փաստեր, այդ թվում՝ Իմերեթում՝ 13, Սամցխե-Ջավախեթիում՝ չորս, Ռաճա-Լեչխումի և Քվեմո Սվանեթիում՝ չորս, Քվեմո Քարթլիում՝ 20, Կախեթիում՝ 15, Մցխեթա-Մթիանեթիում՝ երկու, Գուրիայում՝ ինը, Սամեգրելո-Զեմո Սվանեթիում՝ մեկ և Շիդա Քարթլիում՝ չորս դեպք։ Հատկանշական է, որ հայտնաբերված խախտումներից ինը պարունակում են քրեական հանցագործության հատկանիշներ, այդ իսկ պատճառով համապատասխան նյութերը ուղարկվել են իրավապահ մարմիններին՝ հետագա արձագանքման համար։ Հունվարից ապրիլ ընկած ժամանակահատվածում Ազգային անտառտնտեսության գործակալության աշխատակիցների կողմից ամբողջ երկրում հայտնաբերվել է անօրինական անտառահատման 263 փաստ», – ասվում է Ազգային անտառտնտեսության գործակալության հաղորդագրության մեջ։