«Վրացական երազանք» կուսակցության նախագահ Իրակլի Կոբախիձեն տեղական ինքնակառավարման մարմինների ընտրություններին քվեարկել է Վակեի ընտրատեղամասերից մեկում:

Նրա խոսքով, ընտրություններին կա մի քաղաքական ուժ, որը հասարակության հետ խոսում էր այն մասին, թե ինչպես է պատկերացնում երկրի զարգացումը:

«Ինչպես գիտեք, այս ընտրություններին կա միակ քաղաքական ուժը, ով այս երկու ամիսների ընթացքում միակն էր, ով հանրության հետ խոսեց այն մասին, թե ինչպես է պատկերացնում երկրի զարգացումը, մայրաքաղաքի զարգացումը, ինչպես է պատկերացնում մունիցիպալիտետի զարգացումը: Իհարկե, ես վստահ եմ, որ հասարակությունը կաջակցի այս քաղաքական ուժին և այս քաղաքական ուժի թեկնածուներին», – ասել է Իրակլի Կոբախիձեն:

Վրաստանում ընթանում են տեղական ինքնակառավարման մարմինների ընտրություններ: Քաղաքացիներն ընտրում են քաղաքապետերի մայրաքաղաքում և 63 մունիցիպալիտետում։ Բացի այդ, ընտրելով մեծամասնականների և քվեարկելով կուսակցությունների օգտին, ընտրողները կհամալրեն 64 Սակրեբուլո ամբողջ երկրում: