Աթենքի Ակրոպոլիսը օրվա ընթացքում մի քանի ժամով փակ կլինի բարձր ջերմաստիճանի պատճառով

Աթենքի Ակրոպոլիսը մի քանի ժամով փակ կլինի Հունաստանում բարձր ջերմաստիճանի պատճառով։

Արտասահմանյան լրատվամիջոցների հաղորդագրությունների համաձայն՝ Հունաստանում օդի ջերմաստիճանը հասնում է 38 աստիճանի։

Տեղական իշխանությունների որոշմամբ՝ Աթենքի Ակրոպոլիսը փակ կլինի ժամը 10:00-ից մինչև 14:00-ն։

Հունաստանի օդերևութաբանական ծառայության տվյալներով՝ օդի բարձր ջերմաստիճանը կպահպանվի մինչև հուլիսի 9-ը։