Ես չգիտեմ, թե ինչպես կգնահատի այս տգեղ մարդու սպառնալիքը, սակայն փաստն այն է, որ նրա տեքստը և հռետորաբանությունը արտահայտում է ընդհանուր ընդդիմադիր թիմի բովանդակությունը,- այսպես է արձագանքել  Վրաստանի խորհրդարանի առաջին փոխխոսնակ, Գիա Վոլսկին սոցիալական ցանցում ընդդիմության աջակիցներից մեկի, Ասլան Վաշաղմաձեի կողմից տարածած տեսանյութին:

Վոլսկիի հայտարարությամբ, միավորված ընդդիմության առաջնորդը եղել է, կա ու կլինի Միխեիլ Սաակաշվիլին, ով արել է ոչ պակաս ծանր հայտարարություն:

«Այսօր ընդդիմությունը այս մարդուն ներկայացրեց որպես ցածր ցանկապատ և բոլորը դեմ գնացին նրան: Թող Սաակաշվիլիին նույնպես դեմ դուրս գան, ինչ արել է: Երկուսն էլ նույնն են, սակայն իրականում դա արտահայտում է միավորված ընդդիմության բովանդակությունը, նրանց գործողություններն ու վերաբերմունքը պետության կայունության նկատմամբ»,- հայտարարել է Վոլսկին:

Ընդդիմության աջակիցներից մեկը, Ասլան Վաշաղմաձեն սոցցանցում տեսանյութ է տեղադրել, որտեղ ագրեսիվ է խոսում իրավապահների նկատմամբ: Տեսանյութը սպառնալիքներ է պարունակում ոստիկանության աշխատակիցների հասցեին: Ավելի ուշ Վաշաղմաձեն տեսանյութը ջնջել է սոցիալական ցանցից: Միևնույն ժամանակ, Ասլան Վաշաղմաձեն բացատրություն է տվել: