Արտասահմանյան գործընկերները դրական են գնահատում «Վրացական երազանք» կուսակցության որոշումը, որ գալիք նախագահական ընտրություններին կուսակցությունը չի առաջադրում իր թեկնածուին,-այս հայտարարությունը արել է խորհրդարանային մեծամասնության լիդեր Արչիլ Թալակվաձեն:
Ինչպես նշել է Թալակվաձեն, արտասահմանցիները այս քայլը գնահատել են օրինակելի և ժողովրդավարական:
«Նրանք դրական են արձագանքել մեր որոշմանը և ասել, որ դա օրինակելի և ժողովրդավարական քայլ է: Նրանք գոհ են, որ իշխող թիմը հնարավորություն է տալիս այլ քաղաքական ուժերին մասնակցել ընտրություններին և հաղթել»,-ասել է Թալակվաձեն:
Ինչպես նա նշել է թիմի ներսում ընթանում են խորհրդատվություններ, նախագահության թեկնածուին աջակցելու կապակցությամբ, սակայն կուսակցությունը իր թեկնածուին չի առաջադրելու:
Դրա հետ մեկտեղ, առաջին ալիքի լրատվությամբ, «Վրացական երազանքի» քաղխորհրդի նիստը տեղի է ունենալու սեպտեմբերի 9-ին:
