«Մենք հաստատում ենք մեր անսասան աջակցությունը Ուկրաինայի ինքնիշխանությանն ու տարածքային ամբողջականությանը»,- ասված է Վրաստանի արտաքին գործերի նախարարության հայտարարության մեջ, որը հրապարակվել է սոցցանցում։

Ինչպես նշվում է հայտարարության մեջ, Վրաստանը կանգնած է Ուկրաինայի և ուկրաինացի ժողովրդի կողքին։

«Երկու տարի է անցել այն պահից, երբ Ռուսաստանը ներխուժեց Ուկրաինա՝ բացահայտ խախտելով միջազգային իրավունքի հիմնարար սկզբունքներն ու նորմերը և ՄԱԿ-ի կանոնադրությունը։ Պատերազմը բազմաթիվ կյանքեր խլեց, միլիոնավոր մարդիկ տեղահանվեցին: Վրաստանի անունից մենք հաստատում ենք մեր անսասան աջակցությունն Ուկրաինայի ինքնիշխանությանն ու տարածքային ամբողջականությանը։ Վրաստանը կանգնած է Ուկրաինայի և ուկրաինացի ժողովրդի կողքին»,- ասված է ԱԳՆ հայտարարության մեջ։