Արտաքին գործերի նախարարություն. Անդրեյ Սիբիգայի հետ հանդիպմանը վրացական կողմն ընդգծել է վերջին տարիներին Ուկրաինայի իշխանությունների ձեռնարկած քայլերն ու այն դիրքորոշումները, որոնք խոչընդոտում են հարաբերությունների կարգավորմանը
Վրաստանի արտաքին գործերի նախարարությունը պաշտոնական տեղեկատվություն է տարածում Վրաստանի արտաքին գործերի նախարար Մակա Բոճորիշվիլիի և Ուկրաինայի արտաքին գործերի նախարար Անդրեյ Սիբիգայի հանդիպման վերաբերյալ։
Ինչպես նշված է արտաքին քաղաքական գերատեսչության հայտարարության մեջ, հանդիպման շրջանակներում վրացական կողմն ընդգծել է Վրաստան-Ուկրաինա հարաբերություններում առկա մարտահրավերները, վերջին տարիներին Ուկրաինայի իշխանությունների կողմից ձեռնարկված քայլերը և այն դիրքորոշումները, որոնք խոչընդոտում են երկրների միջև հարաբերությունների կարգավորմանը։
«2026 թվականի մայիսի 15-ին Քիշնևում ընթացող Եվրոպայի խորհրդի Նախարարների կոմիտեի 135-րդ նստաշրջանի շրջանակներում Վրաստանի փոխվարչապետ, արտաքին գործերի նախարար Մակա Բոճորիշվիլին հանդիպել է ուկրաինացի գործընկեր Անդրեյ Սիբիգայի հետ։ Նշված հանդիպումը հաջորդ քայլն էր վերջին շրջանում Ուկրաինայի և Վրաստանի իշխանությունների ներկայացուցիչների միջև տեղի ունեցած հաղորդակցությունների շարքում։ Հանդիպման շրջանակներում խոսվել է Վրաստանի կողմից Ուկրաինային ցուցաբերվող հետևողական քաղաքական և հումանիտար աջակցության մասին։ Դրա հետ մեկտեղ, վրացական կողմն ընդգծել է Վրաստան-Ուկրաինա հարաբերություններում առկա մարտահրավերները, վերջին տարիներին Ուկրաինայի իշխանությունների կողմից ձեռնարկված քայլերը և այն դիրքորոշումները, որոնք խոչընդոտում են երկրների միջև հարաբերությունների կարգավորմանը։ Կողմերը հաստատել են դիվանագիտական հարաբերությունների առողջացման կարևորությունը և երկխոսությունը շարունակելու պատրաստակամությունը», – ասված է Վրաստանի արտաքին գործերի նախարարության հայտարարության մեջ։
Ի գիտություն՝ Վրաստանի արտաքին գործերի նախարար Մակա Բոճորիշվիլիի հետ հանդիպման վերաբերյալ Ուկրաինայի արտաքին գործերի նախարար Անդրեյ Սիբիգան սոցիալական ցանցում գրել է. «Քննարկել ենք երկկողմ լայն օրակարգը, շարունակում ենք զարգացնել թափանցիկ, պրագմատիկ և կառուցողական ուկրաինա-վրացական երկխոսությունը»։
