«Մոքալաքեեբի» կուսակցության անդամ, Լևան Իոսելիանիի հայտարարությամբ, Վրաստանում անցկացված տեղական ինքնակառավարման մարմինների ընտրությունների առաջին փուլի վերաբերյալ Եվրախորհրդարանականների խմբի գնահատականը լիովին ընդունելի է և հասկանալի:

«Եվրախորհրդարանականների գնահատականը լիովին ընդունելի է և հասկանալի: Ընտրությունների օրը լավ էր կազմակերպված, գործընթացը շատ ավելի թափանցիկ էր, շատ ավելի լավը, քան նախորդ ընտրություններին: Մեկ քայլ առաջ է կատարվել, բայց նախընտրական միջավայրն անընդունելի էր, կար ահաբեկում, կաշառք, կար ոչ մրցակցային և անառողջ վիճակ: Այս ամենը վերանայման կարիք ունի: Ին՞չ են մեզ ասում, նստեք, թերթեք էջը և խոսեք բարեփոխումների մասին: Բարեփոխումները պետք է վերաբերեն նրան, որ հաջորդ ընտրություններն այնպես չանցկացվեն», – հայտարարել է Լևան Իոսելիանին:

Լևան Իոսելիանին նշել է, որ արտահերթ ընտրությունների հետ կապված հարցը հանվել է:

«Ինչ վերաբերում է արտահերթ ընտրություններին, ապա այս հարցը հանված է: Սա տեսնում են բոլորը, թե՛ երկրի ներսում, թե՛ դրսում: Արտահերթ ընտրությունների վրա կենտրոնացումն այն էր, որ բոլորը, բացի «Ազգային շարժումից» և «Վրացական երազանքից» տուժեցին, և փոքր կուսակցությունների ձայները գնացին մեծ խաղացողներին», – նշել է Իոսելիանին:

Եվրախորհրդարանականների խումբը հայտարարություն է տարածել Վրաստանում տեղական ինքնակառավարման մարմինների ընտրությունների առաջին փուլի վերաբերյալ, որում նշվում է, որ Եվրամիության կարևոր գործընկեր Վրաստանը, հոկտեմբերի 2-ին անց է կացրել մրցունակ և լավ կազմակերպված տեղական ընտրություններ:

Նույն հայտարարության մեջ ասվում է, որ նախընտրական միջավայրը հավասար պայմաններ չի ապահովել մրցող կուսակցությունների և թեկնածուների համար, և հիմնական ուշադրությունը տեղական խնդիրներից տեղափոխվել է ազգային խնդիրների վրա: