Վրաստանի առողջապահության նախարարության տվյալներով՝ ավելացել է Թուրքիայից ներկրվող դեղերի ցանկը։ Նրանց խոսքով, դեղորայքը կարելի է ձեռք բերել յոթ խոշոր դեղատներից։

«Էժան դեղերը հասանելի են «Ֆարմադեպո», «Ավերսի», «ՊՍՊ», «Իմպեքս», «Ջի Պի Սի», «Ֆարմսախլի» և «Դոյչե Ֆարմասի» ցանցերում։ Թուրքիայից ներկրված դեղերը այս տարվա մարտ-ապրիլին ձեռք է բերել ավելի քան 100 հազար սպառող՝ խնայելով ընդհանուր առմամբ 35 մլն լարի։

Վրաստանի վարչապետի որոշմամբ՝ թուրքական դեղագործական շուկայի բացման արդյունքում դեղերի գինը միջինը 60-80 տոկոսով էժանացել է։ Թուրքիայից ներկրվող դեղերի ցանկը տրամադրվում է դեղագործական հատվածի կողմից և կթարմացվի ընկերություններից ստացված տեղեկատվության համաձայն», – ասվում է նախարարությունից։

Դեղերի և դեղատների ցանկը, որտեղ դրանք կարելի է ձեռք բերել, կարող եք գտնել այս հղումով: