Առողջապահության համաշխարհային կազմակերպության ղեկավարը շնորհակալություն է հայտնել Գիորգի Գախարիային

Առողջապահության համաշխարհային կազմակերպության ղեկավար Թեդրոս Գեբրեյեսուսը Վրաստանի վարչապետ Գիորգի Գախարիային շնորհակալություն է հայտնել Առողջապահության համաշխարհային օրն արված ուղերձի համար:

Հայտարարությունը հրապարակվել է Թեդրոս Գեբրեյեսուսի «Թվիթերի» պաշտոնական էջում:

«Շնորհակալություն Վրաստանի վարչապետ Գիորգի Գախարիային, վրաց ժողովրդի և առանձնապես՝ առողջապահության ոլորտի ներկայացուցիչների համար արված հատուկ ուղերձի համար, որով նա հանդես եկավ Առողջապահության համաշխարհային օրը: Մենք միասին պայքարում ենք կորոնավիրուսի դեմ»,- ասվում է ԱՀԿ-ի ղեկավարի հայտարարության մեջ:

Վրաստանի վարչապետ Գիորգի Գախարիան Առողջապահության համաշխարհային օրվան արձագանքել է հայտարարությամբ, որտեղ նա շեշտադրում է արել գլոբալ համավարակի վրա:

https://twitter.com/DrTedros/status/1247891908023554053?ref_src=twsrc%5Etfw%7Ctwcamp%5Etweetembed%7Ctwterm%5E1247891908023554053%7Ctwgr%5E393535353b636f6e74726f6c&ref_url=https%3A%2F%2F1tv.ge%2Fnews%2Fjandacvis-msoflio-organizaciis-khelmdzghvaneli-giorgi-gakharias-madlobas-ukhdis%2F