Արգենտինան մտադիր է դուրս գալ Առողջապահության համաշխարհային կազմակերպությունից
Արգենտինան մտադիր է դուրս գալ Առողջապահության համաշխարհային կազմակերպությունից։ Այս մասին հայտարարել է Արգենտինայի նախագահի մամուլի քարտուղար Մանուել Ադորնին։
Նախագահի ներկայացուցիչը որոշումը բացատրել է կազմակերպության և Արգենտինայի կառավարության միջև COVID-19 համաճարակի կառավարման վերաբերյալ կարծիքների տարբերությամբ։
«Արգենտինացիները թույլ չեն տա, որ միջազգային կազմակերպությունը միջամտի մեր ինքնիշխանությանը, հատկապես մեր առողջությանը»,- նշել է Ադորնին։
Նրա խոսքով՝ Արգենտինան Առողջապահության համաշխարհային կազմակերպությունից չի ստանում ֆինանսավորում առողջապահության ոլորտի համար, հետեւաբար, այդ քայլը չի ենթադրում առողջապահության ծախսերի կրճատում։
«Սա չի ազդի առողջապահական ծառայությունների որակի վրա»,- ասել է Արգենտինայի նախագահ Խավիեր Միլայի ներկայացուցիչը։ Ադրոնի խոսքով՝ Արգենտինան նույնպես դիտարկում է կլիմայական փարիզյան համաձայնագրից դուրս գալու հարցը։
Ավելի վաղ ԱՄՆ նախագահ Դոնալդ Թրամփը հայտարարել էր Առողջապահության համաշխարհային կազմակերպությունից դուրս գալու մասին։ Դոնալդ Թրամփը երդմնակալության օրը կազմակերպությունը լքելու գործադիր հրաման է ստորագրել։