Արևելյան Վրաստանի մուֆթի, Էթիբար Էմինովը Դմանիսիում տեղի ունեցած միջադեպի կապակցությամբ հայտարարել է, որ կողմերը հաշտվել են: Այս մասին մուֆթին հայտարարել է իշխանությունների և հակառակված կողմերի միջև հանդիպումից հետո:

Նրա խոսքով, կողմերը պայմանավորվել են հաշտվել և հակամարտությունը չի շարունակվի:

«Ես շատ գոհ և ուրախ եմ, որկենցաղային հողի վրա տեղի ունեցած հակամարտությունը, որի սրման վտանգ կար, բոլոր կողմերի՝ հոգևորականության, պետության, բնակչության ներգրավմամբ լուծվեց, ձեռք բերվեց պայմանավորվածություն, ներեցին միմյանց, հաշտվելով և դա շատ ուրախ և ողջունելի է: Համոզված եմ, որ մեր ժողովուրդը թույլ չի տա, որ հակամարտությունը սրվի: Վրաստանում բնակվող յուրաքանչյուր էթնոս պետք է ունենա մեկ նպատակ, ձեռքերը բռնենք և միասին աշխատենք երկրի ամրապնդման համար», – հայտարարել է Արևելյան Վրաստանի մուֆթի՝ Էթիբար Էմինովը:

Այսօր դեպքի վայր էին այցելել՝ Վրաստանի ներքին գործերի նախարար Վախտանգ Գոմելաուրին, Պետական ​​անվտանգության ծառայության պետ Գրիգոլ Լիլուաշվիլին, խորհրդարանի ինքնակառավարման հանձնաժողովի նախագահ Սոզար Սուբարին և խորհրդարանի անդամ Գոգի Մեշվելիանին: