Արդարադատության նախարարությունը դիվանագիտական կորպուսի ներկայացուցիչներին տեղեկություն է տրամադրել Միխեիլ Սաակաշվիլիի մասին
Արդարադատության նախարարությունը դիվանագիտական կորպուսի ներկայացուցիչներին տեղեկություն է տրամադրել Միխեիլ Սաակաշվիլիի մասին։ Այս մասին տեղեկություն է տարածում Վրաստանի արդարադատության նախարարությունը։
Գերատեսչության տվյալներով՝ դեկտեմբերի 28-ին հանդիպում է կայացել ԵՄ ներկայացուցչության, ԵՄ անդամ երկրների եւ ԱՄՆ դեսպանատների ներկայացուցիչների հետ։
«Հանդիպման ընթացքում դիվանագիտական կորպուսի ներկայացուցիչներին մանրամասն տեղեկություններ է տրամադրվել Միխեիլ Սաակաշվիլիի պայմանների, բուժման ու նրա հանդեպ վերաբերմունքի մասին՝ քրեակատարողական համակարգ տեղափոխվելուց ի վեր։
Արդարադատության նախարարության առաջնահերթությունն է առավելագույն թափանցիկությունը, և հանրությունը և բոլոր շահագրգիռ անձինք խնդրի մասին կտեղեկացվեն նաև ապագայում»,- նշված է նախարարության տարածած տեղեկատվության մեջ։