Արդարադատության նախարար Ռատի Բրեգաձեն Թբիլիսիից հետո Քութայիսիում մեկ տարվա աշխատանքային հաշվետվություն է ներկայացրել։

Արդարադատության նախարարության հաղորդագրության համաձայն՝ Ռատի Բրեգաձեն խոսել է բարեփոխումների մասին, որոնք իրականացվել են նախարարության գերակա ոլորտներն ուժեղացնելու համար։

Արդարադատության նախարարության Զարգացման ռազմավարության շնորհանդեսից մեկ տարի անց իրականացվել են մի շարք խոստումներ. «Արդարադատության շարժական տուն» նորարարական նախագիծը ներդրվել է և հաջողությամբ գործում է յոթ մարզերում; Վրաստանի վեց խոշոր քաղաքներում տեղադրվել է պրոբացիոն ծառայությունների PROBBOX էլեկտրոնային համակարգը, մեկնարկել է հողի գրանցման համակարգի բարեփոխումը:

Ենթակառուցվածքային աշխատանքները շարունակվում են. բացվել են հինգ նոր արդարադատության տուն և համայնքային կենտրոններ, շինարարական աշխատանքները շարունակվում են ևս վեց համայնքներում, լրացուցիչ Արդարադատության տուն կբացվի Թբիլիսիում, Հուալինգում, Ախալցխայում բացվել է Սամցխե-Ջավախքի տարածաշրջանային արխիվի շենքը:

Հիմնադրվել և հրատարակվել է «Արդարություն» երկլեզու ամսագիրը: Արդարադատության նախարարությանը հասանելի է դարձել «HeinOnline» էլեկտրոնային իրավական բազան: Ստորագրվել են փոխըմբռնման հուշագրեր Թուրքիայի, Իսրայելի, Հունգարիայի, Հայաստանի, Ադրբեջանի և Շվեյցարիայի արդարադատության նախարարությունների հետ»,- նշել են արդարադատության նախարարությունից։

Գերատեսչության տվյալներով՝ էական բարեփոխումներ կան քրեակատարողական և պրոբացիոն համակարգերում։