Վրաստանի խորհրդարանի խոսնակ Արչիլ Թալակվաձեն հույս ունի, որ խորհրդարանի կողմից համաճարակաբանական անվտանգության ապահովման համար ձեռնարկված լրացուցիչ միջոցառումները արդյունավետ կլինեն: Այդ մասին Թալակվաձեն հայտարարել է խորհրդարանի բյուրոյի նիստին:

Արչիլ Թալակվաձեն բնակչությանը կոչ արեց հետևել հանձնարարականներին: Միևնույն ժամանակ, նա շուտափույթ ապաքինում մաղթեց իր գործընկերներին և համայնքին:

«Հուսով եմ, որ համաճարակաբանական անվտանգության ապահովման համար խորհրդարանի ձեռնարկած լրացուցիչ միջոցառումները արդյունավետ կլինեն: Իմ գործընկերներին, ինչպես նաև մեր համաքաղաքացիներին մաղթում եմ շուտափույթ ապաքինում: Ես մեկ անգամ ևս խնդրում և հորդորում եմ հասարակությանը խստորեն պահպանել առողջապահական ծառայությունների կողմից սահմանված անվտանգության կանոնները: Նախևառաջ, նախքան պատվաստման ավարտը`պահենք հեռավորություն և ցանկացած սերտ շփման ընթացքում կրենք շնչադիմակ: Սա կօգնի մեզ ժամանակաշրջանն անցնել նվազագույն նոր դեպքերով: Ես նորից եմ ասում, մինչ պատվաստումների ավարտը», – ասաց Արչիլ Թալակվաձեն: