Ադրբեջան կատարած մեր այցի առաջին օրը շատ դրական էր, խորհրդարանի նախագահը բարձր մակարդակի հանդիպումներ ունեցավ նախագահի, վարչապետի հետ, նրանք ևս մեկ անգամ հաստատեցին այն աջակցությունը, որն ավանդաբար ասոցացվում է մեր երկրների հետ,- այս մասին հայտարարել է «Վրացական երազանք»-ի պատգամավոր Արչիլ Թալակվաձեն։

Ըստ Թալակվաձեի, Վրաստանի և Ադրբեջանի միջև ամուր գործընկերությունը կարևոր է անվտանգության, տնտեսական զարգացման և տարածաշրջանում երկու երկրների ապագայի համար:

«Մենք կշարունակենք սերտ համագործակցությունը Ադրբեջանի հետ բոլոր մակարդակներում, այդ թվում՝ խորհրդարանական մակարդակով, և դրա համար կօգտագործենք բոլոր հարթակները։ Շատ խորհրդանշական է, որ մեր պատվիրակությունը ժամանել է պարոն Հեյդար Ալիևի 100-ամյակի կապակցությամբ, ուստի ևս մեկ անգամ հաստատում ենք մեր հարգանքը Ադրբեջանի ժողովրդի և իշխանությունների հանդեպ։ Հարկ է նշել, որ իր ժամանակ պարոն Հեյդար Ալիևը մեծ ներդրում է ունեցել Վրաստանի և Ադրբեջանի միջև բարեկամության, աշխարհաքաղաքական այն գործառույթների կայացման գործում, որոնք դեռևս կարևոր են մեր երկրների համար»,- ասել է Թալակվաձեն։