Արչիլ Թալակվաձե. Ընդդիմությունն արդեն ներկայացված է նիստերի դահլիճում, և այսուհետ կմասնակցի խորհրդարանական նիստերին

15:04, 05.01.2021

Ընդդիմությունն արդեն ներկայացված է նիստերի դահլիճում, և այսուհետ նրանք կմասնակցեն խորհրդարանական նիստերին,- այսպես է արձագանքել խորհրդարանի նախագահ Արչիլ Թալակվաձեն «Հայրենասերների դաշինքի» երեք ներկայացուցիչների լիազորությունները ճանաչելու հարցին:

Արչիլ Թալակվաձեն հայտարարություն է արել այն բանից հետո, երբ Գելա Միքաձեն, Ֆրիդոն Ինջիան և Դավիթ Զիլֆիմիանին դարձել են խորհրդարանի անդամ: Այսօր արտահերթ նիստում քվեարկվեց նրանց լիազորությունների ճանաչման հարցի համար:

«Գործընկերներ, անդամները, որոնց լիազորությունները խորհրդարանը ճանաչել է, կարող են գալ դահլիճ: Ընդդիմությունն արդեն ներկայացված է նիստերի դահլիճում, և նա այսուհետ մասնակցելու է խորհրդարանական նիստերին և խորհրդարանական աշխատանքներին», – հայտարարել է Արչիլ Թալակվաձեն:

«Հայրենասերների դաշինքը» խորհրդարանական ընտրություններում ձեռք բերեց չորս տեղ: Իրմա Ինաշվիլին, Գիորգի Լոմիան և Գոչա Թևդորաձեն հրաժարվել են մտնել խորհրդարան: Երեկ դադարեցվել է նրանց լիազորությունների ժամկետը: Ինչ վերաբերում է կուսակցության ձեռք բերված չորրորդ մանդատին, «Հայրենասերների դաշինք»-ի խորհրդարանական ցուցակի չորրորդ համարը՝ Ավթանդիլ Էնուքիձեն, ասաց, որ չի պատրաստվում հրաժարվել պատգամավորական մանդատից և մտադիր է մտնել խորհրդարան:

Հեղինակ - Anna Badalian

Քաղաքական

Արչիլ Թալակվաձե