Դատարանը որոշում է կայացրել, որ ցանկացած ժողովրդավարական պետություն որոշում կկայացներ՝ եթե տեղի կունենար բռնի հարձակում դրա սահմանադրական ինստիտուտների վրա, – այս մասին հայտարարել է խորհրդարանի նախագահ Արչիլ Թալակվաձեն՝ բյուրոյի նիստին, Նիկա Մելիային կալանք սահմանելը մեկնաբանելիս:

Ըստ Թալակվաձեի, օրենքի գերակայությունը կուսակցությունների միջև համագործակցության արդար կանոնների միակ ամուր հիմքն է:

«Այս երկու օրվա ընթացքում տեղի ունեցան բավականին կարեւոր քաղաքական իրադարձություններ: Մասնավորապես, երեկ ավարտվեց դատավարությունը ամենահնչեղ գործերից մեկի, որտեղ իրականում հարձակում եղավ պետության և սահմանադրական ինստիտուտների վրա: Այս մասին մենք արդեն որոշում ենք կայացրել՝ պատգամավորի անձեռնմխելիությունից զրկելու մասին, մենք համաձայնություն ենք տվել դատախազությանը՝ դիմել դատարան:

Կարծում եմ, որ դատարանը երեկ որոշում կայացրեց, որը ցանկացած ժողովրդավարական պետություն կկայացներ, եթե դաժան հարձակում լիներ իր սահմանադրական ինստիտուտների վրա: Հետևաբար, օրենքի գերակայությունը մեզ համար միակ ամուր հիմքն է ապագայում քաղաքական կուսակցությունների միջև կայուն համակարգ և համագործակցության արդար կանոններ ունենալու համար, որտեղ կա պայմանավորվածություն, որ փոփոխության կարելի է հասնել միայն քվեատուփի միջոցով, այլ ոչ թե այն շրջանցելով: Այս ոգով էր, որ խորհրդարանն առաջնորդվեց, երբ որոշում կայացրեց», – ասաց Արչիլ Թալակվաձեն: