Արաբական լրատվամիջոցները հաղորդում են, որ առավոտյան Իսրայելի կողմից Գազայի հատվածում իրականացված ավիահարվածների հետևանքով 24 մարդ է զոհվել
Գազայի հատվածում սննդի բաշխման վայրի ռմբակոծության հետևանքով զոհվել է 13 մարդ։
Արաբական լրատվամիջոցների տեղեկություններով, դեպքը տեղի է ունեցել Դեյր էլ-Բալահ քաղաքում։ Տարածված տեղեկություններով՝ զոհվածների մեծ մասը կանայք և երեխաներ են։ Վիրավորների թվում նույնպես կան կանայք և երեխաներ։
Չորս պաղեստինցի զոհվել է, իսկ մի քանիսը վիրավորվել Ալ-Բուրեյջի փախստականների ճամբարում գտնվող տան վրա Իսրայելի օդային հարձակման հետևանքով։
Ընդհանուր առմամբ, առավոտյան սկսված իսրայելական ռազմական գործողությունների արդյունքում արաբական անկլավում զոհվել է 24 մարդ։
Գազայի հատվածի խոշորագույն հիվանդանոցների բժիշկները հայտնում են, որ Իսրայելի կողմից սահմանված շրջափակման հետևանքով առաջացած վառելիքի պակասի պատճառով վտանգի տակ է ավելի քան 100 վաղաժամ ծնված երեխայի և 350 դիալիզի ենթարկվող հիվանդի կյանքը։