Անրի Օխանաշվիլիի թեկնածությունը Վրաստանի պետական ​​անվտանգության ծառայության ղեկավարի պաշտոնում կներկայացվի Վրաստանի խորհրդարան։

Այս մասին կառավարության վարչակազմում կայացած ճեպազրույցում հայտարարել է Վրաստանի վարչապետ Իրակլի Կոբախիձեն։

«Վրաստանի Պետական ​​անվտանգության ծառայության ղեկավարի պաշտոնում ներկայացնում ենք Անրի Օխանաշվիլիի թեկնածությունը։ Հիշեցնենք, որ մինչ արդարադատության նախարարի պաշտոնը ստանձնելը, Անրի Օխանաշվիլին եղել է Վրաստանի խորհրդարանի անդամ և իրավաբանական հարցերի հանձնաժողովի նախագահ: Վրաստանի խորհրդարանի նախագահի և խորհրդարանական մեծամասնության հետ խորհրդակցությունների արդյունքում այս շաբաթվա ուրբաթ օրը Վրաստանի խորհրդարանում քվեարկության կդրվի Անրի Օխանաշվիլիի հաստատումը»,- ասել է վարչապետը։

Օխանաշվիլին նախկինում զբաղեցնում էր Վրաստանի արդարադատության նախարարի պաշտոնը։