Լեհաստանի նախագահ Անջեյ Դուդան և Լեհաստանի վարչապետ Դոնալդ Տուսկը մարտի 12-ին կայցելեն ԱՄՆ։ Այցի մասին հայտարարություն է տարածել Լեհաստանի նախագահի և վարչապետի գրասենյակները։
Այցի շրջանակներում Դուդան և Տուսկը Սպիտակ տանը կբանակցեն ԱՄՆ նախագահ Ջո Բայդենի հետ։
Բացի այդ, Դուդան կհանդիպի Սենատի մեծամասնության առաջնորդ Չակ Շումերի և հանրապետական փոքրամասնության առաջնորդ Միթչ Մաքքոնելի հետ։
Լեհաստանի նախագահը կհանդիպի նաև Ներկայացուցիչների պալատի խոսնակ Մայք Ջոնսոնի և Ներկայացուցիչների պալատի դեմոկրատների առաջնորդ Հակիմ Ջեֆրիսի հետ։
Դրանից հետո Դուդան կմեկնի Բրյուսել՝ ՆԱՏՕ-ի գլխավոր քարտուղար Ենս Ստոլտենբերգի հետ բանակցությունների։
Սպիտակ տունը նշել է, որ Լեհաստանի ղեկավարների այցը համընկնում է ՆԱՏՕ-ին Լեհաստանի անդամակցության 25-ամյակի հետ և ընդգծում է դաշինքին Միացյալ Նահանգների և Լեհաստանի ընդհանուր, անսասան նվիրվածությունը: