«Վրացական երազանքն» ունի հետևողական կուրս դեպի ռեպրեսիվ ռեժիմ՝ ուղղված ցույցերի մասնակիցների, լրագրողների, քաղաքացիական հասարակության և բոլոր այն ազատ ձայների դեմ, ովքեր պահանջում են ժողովրդավարություն», – այս մասին հայտարարել է Եվրահանձնաժողովի արտաքին գործերի և անվտանգության հարցերով մամուլի խոսնակ Անիտա Հիպերը։

Հիպերին հարց էր ուղղվել խորհրդարանական մեծամասնության կողմից ներկայացված օրենսդրական փոփոխությունների վերաբերյալ, որոնք առնչվում են օտարերկրյա ֆինանսավորմանը։

Նրա խոսքով՝ շարունակվում են քննարկումները պատժամիջոցների շուրջ այն անձանց նկատմամբ, ովքեր պատասխանատվություն են կրում «Վրացական երազանքի» կողմից ժողովրդավարական հետընթացի համար։

«Ցավոք, այն, ինչ դուք նշեցիք, մի մաս է շատ ցավալի, հետևողական կուրսի, որը «Վրացական երազանքն» ընտրել է՝ ուղղված ռեպրեսիվ ռեժիմի հաստատմանը՝ ցուցարարների, լրագրողների, քաղաքացիական հասարակության և բոլոր այն ազատ ձայների դեմ, ովքեր ժողովրդավարություն են պահանջում։ Մինչ այժմ մենք արձագանքել ենք հետևողականորեն։ Մենք նվազեցրել ենք քաղաքական կապերը և դադարեցրել ուղղակի ֆինանսական աջակցությունը Վրաստանի կառավարության համար՝ ավելի քան 120 միլիոնի չափով։ Մենք նաև դադարեցրել ենք 30 միլիոնանոց աջակցման ծրագրեր Եվրոպական խաղաղության հիմնադրամի միջոցով։ 2025 թվականին նախատեսված չէ նաև որևէ նոր աջակցություն։ Սա ընդամենը մի քանի կետ է։ Բացի այդ, ներքին միջոցառումների շրջանակում ԵՄ խորհուրդը դադարեցրել է առանց վիզայի ճանապարհորդության հնարավորությունը վրացի դիվանագետների, պաշտոնյաների և նրանց ընտանիքների անդամների համար, ովքեր ունեն դիվանագիտական կամ ծառայողական անձնագրեր։ Շարունակվում են քննարկումներ հնարավոր պատժամիջոցների վերաբերյալ նրանց հանդեպ, ովքեր պատասխանատու են «Վրացական երազանքի» ժողովրդավարական հետընթացի և մարդու իրավունքների խախտումների համար», – հայտարարել է Անիտա Հիպերը։