Գերմանիայի նախկին կանցլեր Անգելա Մերկելը հերքել է մեղադրանքները, թե իբր նա Բալթյան երկրներին և մասնակիորեն նաև Լեհաստանին մեղադրել է Ռուսաստան-Ուկրաինա պատերազմի սկսման մեջ։

Մերկելի խոսքով, դա կեղծ լուր է, ինչը նշանակում է, որ նման բան երբեք չի ասվել։

«Սա պարզապես իրադարձությունների քրոնոլոգիական վերանայում էր, ինչպես արդեն կարելի է տեսնել իմ «Freiheit» («Ազատություն») գրքում։ Ամբողջ տարվա ընթացքում ոչ ոք խնդիր չունեցավ դրա հետ կապված։ հետո մեծ աժիոտաժ բարձրացավ, քանի որ գրքի օրիգինալ տարբերակը գրեթե ոչ ոք չի կարդում», — նշել է Անգելա Մերկելը։

Հարցին՝ արդյոք ցանկանում էր մեղադրել պատերազմը սկսելու մեջ Լեհաստանին կամ Բալթյան երկրներին, Մերկելը պատասխանել է բացասաբար։

«Ոչ, մենք բոլորս չկարողացանք կանխել այս պատերազմը, այդ թվում՝ ամերիկացիների հետ բանակցությունների ժամանակ», — ասել է Գերմանիայի նախկին կանցլերը։