Վրաստանի ներքին գործերի նախարարությունում հայտարարում են, որ անձը, ով հարձակվել է Գուգեշաշվիլիների ընտանիքի վրա հավանաբար ճանաչել է նրանց:

Ինչպես հայտարարել է ներքին գործերի նախարարության կենտրոնական քրեական ոստիկանության դեպարտամենտի կազմակերպված հանցանքի դեմ պայքարի գլխավոր վարչության ղեկավար՝ Մամուկա Ճելիձեն, դեպքի վայրում հայտնաբերվել է երիտասարդ տղամարդու դիակ և վիրավորվել է կին, որը տեղափոխվել է բուժհիմնարկ:

«Նախնական վարկածով հարձակվողը ծանոթ է եղել այս ընտանիքի հետ: Հետաքննությունը ընթանում է 109-րդ հոդվածով (կանխամտածված սպանություն): Հետաքննության հետաքրքրություններից ելնելով այս պահին հավելյալ լրատվություն չեմ կարող տալ»,-ասել է Մամուկա Ճելիձեն:

Այսօր առավոտյյան Դոդո Գուգեշաշվիլիի և իր որդու Գրիգոլ Գուգեշաշվիլիի վրա հարձակվել են իրենց իսկ բնակարանում:  Գրիգոլը մահացել է տեղում, իսկ Դոդո Գուգեշաշվիլիին ծանր վիճակում գտնվում է հիվանդանոցում: Այս պահին դեպքի վայրում աշխատում են քրեագետները և ընթանում են ակտիվ հետաքննչական միջոցառումներ:

«Այսօր ստացված հաղորդագրության համաձայն, 1958 թ. ծնված Դ.Գ.-ին և նրա որդուն 1985 թ. ծնված Գ.Գ.-ին, Դիղոմի թաղամասում, սեփական բնակարանում անհայտ անձը հրազենային վնասվածքներ է հասցրել:

Գ.Գ.-ն մահացել է տեղում, իսկ Դ.Գ.-ին կրիտիկական վիճակում տեղափոխել են հիվանդանոց:

Այս պահին դեպքի վայրում աշխատում են քրեագետները և ընթանում են ակտիվ հետաքննչական միջոցառումներ»,- ասված է ներքին գործերի նախարարության հայտարարության մեջ: