Անդրիուս Կուբիլիուսը կարծում է, որ Ուկրաինայի՝ ՆԱՏՕ-ին անդամակցելուց հրաժարվելը Ռուսաստանի համար կհեշտացնի հետագա ագրեսիվ գործողությունների պլանավորումը
Պաշտպանության հարցերով եվրահանձնակատար Անդրիուս Կուբիլիուսը հայտարարել է, որ Ուկրաինայի՝ ՆԱՏՕ-ին անդամակցելուց հրաժարվելը Ռուսաստանի համար կհեշտացնի հետագա ագրեսիվ գործողությունների պլանավորումը։ Կուբիլիուսը այս մասին գրել է X սոցիալական ցանցում։
Նրա խոսքով՝ Ռուսաստանը վախենում է, որ ՆԱՏՕ-ն կպաշտպանի Ուկրաինան հետագա ագրեսիայից, և այդ պատճառով էլ պահանջում է, որ Կիևը հրաժարվի դաշինքին միանալուց։
«Ռուսաստանը վախենում է, որ ՆԱՏՕ-ն կպաշտպանի Ուկրաինան ռուսական հետագա ագրեսիայից։ Կիևի կողմից ՆԱՏՕ-ից հրաժարվելը Ռուսաստանի համար կհեշտացնի հետագա ագրեսիայի պլանավորումը», – գրում է եվրահանձնակատարը։
Տեղեկության համար, ԱՄՆ նախագահ Դոնալդ Թրամփը բազմիցս հայտարարել է, որ Ուկրաինայի դեմ սկսված լայնածավալ պատերազմի պատճառը Ուկրաինայի՝ ՆԱՏՕ-ին անդամակցելու ցանկությունն էր։