Եվրանեսթի խորհրդարանական վեհաժողովի նախագահ Անդրիուս Կուբիլիուսի խոսքով, վրացական պատվիրակության ղեկավարը չկարողացավ հավաքել անհրաժեշտ ձայները բանաձեւը նախաձեռնելու համար, ինչի պատճառով էլ բանաձեւի տեքստը հնարավոր չեղավ դուրս բերել լիագումար նիստի։

«Ֆորմալ առումով տեքստը նախաձեռնված չէր։ Կանոնները շատ պարզ են, հարցը նախաձեռնել ցանկացողները պետք է տասը ստորագրություն հավաքեն։ Որքան հասկացա, վրացական պատվիրակության ղեկավարը չկարողացավ հավաքել անհրաժեշտ ձայները։ Ես գիտեմ, թե որն էր խնդիրը, բայց կանոնները խիստ են, և երբ երեկ հարցը մտավ բյուրոյի օրակարգ, պարզվեց, որ նման բանաձեւի համար ստորագրությունները բավարար չեն։ Այդ իսկ պատճառով մենք ստիպված էինք ասել, որ ֆորմալ առումով մենք չենք կարող այս տեքստը դուրս բերել լիագումար նիստի»,- ասել է Անդրյուս Կուբիլիուսը։

«Եվրանեսթի» վեհաժողովում Վրաստանի, Ուկրաինայի եւ Մոլդովայի եվրոպական հեռանկարի վերաբերյալ բանաձեւը չկարողացավ նախաձեռնել՝ վրացական ընդդիմության եւ ուկրաինական պատվիրակության մերժման պատճառով։ Ընդդիմության պատվիրակության կազմում էին Գիորգի Վաշաձեն, Գիորգի Բոտկովելին, Անա Ծիթլիձեն և Թամար Կորձայան։

Բանաձևը, որը չի կարող նախաձեռնվել, ներառում է աջակցություն Վրաստանի, Մոլդովայի և Ուկրաինայի տարածքային ամբողջականությանը, Եվրամիությանն անդամակցելու հեռանկարին, Ռուսաստանին կոչ անելով դուրս բերել իր ռազմական ուժերը Վրաստանի օկուպացված տարածքից և Ուկրաինայում ռազմական գործողությունների անհապաղ դադարեցում: