Ուկրաինայի նախագահի աշխատակազմի ղեկավար Անդրեյ Երմակը հաստատել է, որ երկրի կոռուպցիայի դեմ պայքարի հատուկ դատախազությունը և կոռուպցիայի դեմ պայքարի ազգային բյուրոն խուզարկություն են անցկացնում իր բնակարանում։

«Այսօր Ուկրաինայի կոռուպցիայի դեմ պայքարի հատուկ դատախազությունը և կոռուպցիայի դեմ պայքարի ազգային բյուրոն իսկապես ընթացակարգային գործողություններ են իրականացնում իմ տանը։ Հետաքննիչները որևէ խոչընդոտի չեն հանդիպել», – գրել է Երմակը սոցիալական ցանցերում։

Նա ասել է, որ համագործակցում է իրավապահ մարմինների հետ և կոռուպցիայի դեմ պայքարի բյուրոյի աշխատակիցներին տվել է «լիարժեք մուտք դեպի տուն»։

«Իմ փաստաբանները տեղում են և համագործակցում են իրավապահ մարմինների հետ։ Իմ կողմից ես լիովին համագործակցում եմ», – գրել է Երմակը։

Ինչպես հաղորդում են ուկրաինական լրատվամիջոցները, ներկայումս հայտնի չէ՝ արդյոք Անդրեյ Երմակը տեղում է, թե ոչ։

Ուկրաինայի կոռուպցիայի դեմ պայքարի ազգային բյուրոն հայտարարել է, որ հետաքննության շրջանակներում իրականացնում է Անդրեյ Երմակի տան լիազորված խուզարկություն՝ կոռուպցիայի դեմ պայքարի հատուկ դատախազության հետ համատեղ։