Անդրեյ Սիբիգա. Եթե Ռուսաստանը իսկապես խաղաղություն է ուզում, ապա պետք է անհապաղ դադարեցնի կրակը, ինչո՞ւ պետք է սպասենք մինչև մայիսի 8-ը
Եթե Ռուսաստանը իսկապես խաղաղություն է ուզում, ապա պետք է անհապաղ դադարեցնի կրակը, ինչո՞ւ պետք է սպասենք մինչև մայիսի 8-ը,- այսպես է արձագանքել Ուկրաինայի արտաքին գործերի նախարար Անդրեյ Սիբիգան Կրեմլի կողմից մայիսի 8-ին միակողմանի «հրադադարի» հայտարարության վերաբերյալ արված հայտարարությանը։
«Եթե Ռուսաստանը իսկապես խաղաղություն է ուզում, ապա պետք է անհապաղ դադարեցնի կրակը։ Ինչո՞ւ սպասել մինչև մայիսի 8-ը։ Եթե հնարավոր լինի հիմա հրադադարի հասնել և լռություն պահպանել ցանկացած 30 օր, սա կլինի իրական քայլ, այլ ոչ թե պարզապես շքերթի ժեստ», – գրել է Սիբիգան սոցիալական ցանցերում։
Նա նաև ընդգծել է, որ Ուկրաինան պատրաստ է աջակցել երկարաժամկետ, կայուն և լիակատար հրադադարին։
«Մենք սա անընդհատ առաջարկում ենք՝ առնվազն 30 օր», – գրել է Ուկրաինայի արտաքին գործերի նախարարը։
Հիշեցնենք, որ Ռուսաստանի նախագահ Վլադիմիր Պուտինը Երկրորդ համաշխարհային պատերազմում հաղթանակի 80-ամյակի տոնակատարության ժամանակ հայտարարեց Ուկրաինայում հրադադարի մասին։