Մենք ցանկանում ենք նոր էջ բացել մեր վրացի գործընկերների հետ։ Մեր առաջնորդների միջև տեղի ունեցավ պատմական հանդիպում Երևանում, մտքերի լավ փոխանակում։ Մենք պատրաստ ենք շարունակել նման կառուցողական երկխոսությունը,- Բրյուսելում Եվրամիության արտգործնախարարների հանդիպման մեկնարկից առաջ ասել է Ուկրաինայի արտգործնախարար Անդրեյ Սիբիգան։

Նա ասաց, որ մոտ ապագայում կհանդիպի Վրաստանի արտգործնախարար Մակա Բոճորիշվիլիի հետ։

«Ես մոտ ապագայում կհանդիպեմ իմ վրացի գործընկեր Մակա Բոճորիշվիլիի հետ Մոլդովայում։ Մենք ցանկանում ենք համապատասխան կերպով կարգավորել երկկողմ հարաբերությունների դիվանագիտական ​​ընթացքը։ Մեր ժողովուրդը, մեր հասարակությունները արժանի են դրան։ Այո, մեր երկկողմ օրակարգում կան մի քանի զգայուն հարցեր, բայց մենք պատրաստ ենք առաջ շարժվել», – ասել է Անդրեյ Սիբիգան։