ԱՄՆ ֆինանսների նախարարության տվյալներով՝ պատժամիջոցներ են սահմանվել չինական ընկերությունների նկատմամբ, որոնք զենք են արտադրում Ռուսաստանի համար

ԱՄՆ ֆինանսների նախարարության տեղեկատվության համաձայն՝ պատժամիջոցներ են կիրառվել երեք իրավաբանական և մեկ ֆիզիկական անձանց նկատմամբ, որոնք զբաղվում են ռուսական բանակի համար հեռահար մարտական անօդաչու Harpy-ի արտադրությամբ։ «Harpy» անօդաչու թռչող սարքը, որի մասին «Reuters» գործակալությունը առաջին անգամ հայտնել է սեպտեմբերին, արտադրվում է չինական գործարաններում՝ ռուսական ընկերությունների հետ համագործակցությամբ։ Դրա նախագծմանը մասնակցել են նաեւ չինացի մասնագետները։

Ինչպես նշվում է ԱՄՆ ֆինանսների նախարարության տեղեկատվության մեջ, ԱՄՆ-ի սահմանած նոր սահմանափակումները ազդել են չինական ձեռնարկությունների վրա։ Մասնավորապես, Xiamen Limbach Aircraft Engine-ը, որը շարժիչներ է արտադրում «harpies»-ի համար և Redlepus Vector Industry Shenzhen-ը, որը Ռուսաստանին անօդաչու սարքերի մատակարարման միջնորդ օղակն է։

«Սրանք ԱՄՆ առաջին պատժամիջոցներն են չինական ձեռնարկությունների դեմ, որոնք ուղղակիորեն զարգացնում և արտադրում են զենքի համակարգեր ռուսական ընկերությունների հետ համագործակցությամբ», – ասվում է ԱՄՆ ֆինանսների նախարարության հայտարարության մեջ։

Նախկինում ԱՄՆ-ը բազմիցս պատժամիջոցներ է սահմանել չինական ձեռնարկությունների նկատմամբ, որոնք կարևոր ռեսուրսներ են տրամադրում Ռուսաստանին։ ԱՄՆ-ը բազմիցս զգուշացրել է Չինաստանին զերծ մնալ Ռուսաստանին աջակցելուց և հարյուրավոր պատժամիջոցներ է սահմանել՝ ուղղված ռազմական նպատակներով որոշ տեխնոլոգիաներ օգտագործելու Մոսկվայի հնարավորությունը սահմանափակելուն։ Սեպտեմբերին ԱՄՆ պետքարտուղարի տեղակալ Կուրտ Քեմփբելը հայտարարել էր, որ Չինաստանն ուղղակիորեն օգնում է ռուսական ռազմական մեքենային՝ աջակցելով Ուկրաինայի դեմ պատերազմ մղելու նրա ջանքերին։