ԱՄՆ ֆինանսների նախարարության ղեկավարի խոսքով՝ Դոնալդ Թրամփը Վլադիմիր Պուտինին կբացատրի, որ քննարկվում են պատժամիջոցների խստացման կամ մեղմացման բոլոր տարբերակները
ԱՄՆ նախագահ Դոնալդ Թրամփը Ալյասկայում հանդիպման ընթացքում Ռուսաստանի նախագահ Վլադիմիր Պուտինին հստակ կբացատրի, որ Մոսկվայի նկատմամբ պատժամիջոցների խստացման կամ թուլացման բոլոր տարբերակները քննարկվում են։ Այս մասին հայտնել է ԱՄՆ ֆինանսների նախարարության ղեկավար Սքոթ Բեսենթը։
Բեսենթի պարզաբանմամբ՝ պատժամիջոցները կարող են ինչպես խստացվել, այնպես էլ թուլացվել, և ունենալ ժամկետներ։
«Դոնալդ Թրամփը նախագահ Պուտինին հստակ կբացատրի, որ բոլոր տարբերակները քննարկվում են», – հայտարարել է Բեսենթը։
Ֆինանսների նախարարության ղեկավարի խոսքով՝ եվրոպացիները պետք է միանան ԱՄՆ-ի պատժամիջոցներին և օգնեն ստեղծել ավելի շատ լծակներ։