ԱՄՆ դեսպանություն. Մայք Փոմփեոն հանդիպել է Գիորգի Գախարիային և Դավիթ Զալկալիանիին` քննարկելու Նահանգների աջակցությունը Վրաստանի եվրատլանտյան ձգտումներին և ժողովրդավարական ինստիտուտների ամրապնդմանը
Վրաստանում Ամերիկայի Միացյալ Նահանգների դեսպանությունը տեղեկատվություն է տարածել Վրաստանի վարչապետ Գիորգի Գախարիայի և արտաքին գործերի նախարար Դավիթ Զալկալիանիի՝ ԱՄՆ պետքարտուղար Մայք Փոմփեոյի հետ հանդիպման մասին:
«Քարտուղար Փոմփեոն հանդիպել է վարչապետ Գախարիայի և արտաքին գործերի նախարար Զալկալիանիի հետ՝ քննարկելու Նահանգների աջակցությունը Վրաստանի եվրատլանտյան ձգտումներին և երկրի ժողովրդավարական ինստիտուտների ամրապնդմանը: Պետքարտուղարը շեշտել է նաև ընտրական և դատական բարեփոխումների կարևորությունը», – ասված է ԱՄՆ դեսպանատան հայտարարության մեջ:
Մայք Փոմփեոն կառավարության վարչությունում հանդիպել է Գիորգի Գախարիայի և Դավիթ Զալկալիանիի հետ: ԱՄՆ պետքարտուղարը այսօր առավոտյան հանդիպում է ունեցել նաև Վրաստանի նախագահ Սալոմե Զուրաբիշվիլիի հետ, և այժմ հանդիպում է Համայն Վրաստանի կաթողիկոս-պատրիարք Իլիա Երկրորդի հետ: Մայք Փոմփեոն այսօր կհանդիպի քաղաքացիական հասարակության ներկայացուցիչների հետ:
Մայք Փոմփեոն երեկ երկօրյա այցով ժամանել էր Վրաստան: ԱՄՆ պետքարտուղարը այսօր կավարտի իր այցը Վրաստան և կմեկնի Իսրայել:
