Հիվանդությունների վերահսկման ազգային կենտրոնն, այսօր Համակարգող խորհրդի քարտուղարություն է ներկայացրել՝ այսպես կոչված կանաչ անձնագրերի վերաբերյալ մշակված փաթեթը։ Քարտուղարությունը Առողջապահության նախարարության հետ միասին կքննարկի և որոշում կկայացնի,- այս մասին հայտարարել է Հիվանդությունների վերահսկման ազգային կենտրոնի ղեկավար, Ամիրան Գամղրելիձեն։

Նրա խոսքով, այժմ Համակարգող խորհուրդը քննարկում է կանաչ կովիդ անձնագրերի հարցը։

Միևնույն ժամանակ, Ամիրան Գամղրելիձեն պարզաբանել է, որ Համակարգող խորհուրդը քննարկում է պատվաստման հետ կապված հարցերը և որոշումներ կայացնում՝ հիմնվելով կոնսենսուսի և համաձայնության վրա։

«Պատվաստման հետ կապված պարտավորությունը բավականին բարդ որոշում է։ Ես դա երեկ ու նախօրեին չեմ ասել, ամեն երեքշաբթի ասում եմ, որ ես, որպես Ամիրան Գամղրելիձեն, սատարում եմ դրան։ Հաճախ ասում եմ, որ Համակարգող խորհուրդը այն բանի համար է Համակարգող խորհուրդ, որ այնտեղ միակողմանի որոշումներ չեն կայացվում, այլ համաձայնեցված որոշումներն ընդունվում են քննարկման և կոնսենսուսի միջոցով: Վստահեցնում եմ, որ իմունիզացիայի, պատվաստումների հետ կապված պարտավորեցումը ամենադժվար որոշումներից է։

Հիմա մեծ քննարկում կա կանաչ անձնագրերի մասին, թե ինչպիսի շրջանակ պետք է ներդրվի երկրում։ Հիվանդությունների վերահսկման կենտրոնը փաթեթ է ներկայացրել, որը պետք է քննարկի Համակարգող խորհրդի քարտուղարությունը, Առողջապահության նախարարության և այլ գերատեսչությունների հետ միասին, ապա հավասարակշռված որոշում կայացվի։ Ես հաճախ եմ ասում, որ իմունիզացիայի ընթացքում նրանք, ովքեր հասել են 50 և 60 տոկոսից ավելի, ամենուր ինչ-որ պահի լրացուցիչ լծակներ են ներդրվում։ Միգուցե մեզ մոտ կամավոր մարժան լինի 35-27 տոկոսը, առավելագույնը 40 տոկոսի միջակայքում, որից բարձր պետք է անուղղակի մանդատային մեխանիզմներ ներդնենք։ Կանաչ անձնագրի մեխանիզմը մանդատորիզմ չէ»,- ասել է Ամիրան Գամղրելիձեն։