«Մեր նպատակը վրացական կողմի հետ կառուցողական երկխոսությունն է, մենք շարունակում ենք ակտիվ համատեղ աշխատանքը», – այս մասին Անթալիայում վրացի լրագրողներին հայտնել է Եվրոպայի խորհրդի գլխավոր քարտուղար Ալեն Բերսեն։

Ինչպես նշել է Բերսեն՝ խոսելով Վրաստանի վարչապետ Իրակլի Կոբախիձեի հետ հանդիպման մասին, հանդիպման նպատակն էր բարելավել կապերը։

«Մեր միջև կայացավ ևս մեկ հանդիպում։ Հանդիպումը կարևոր էր։ Մեր և Եվրոպայի խորհրդի դերը ոչ միայն կապ ունենալն է, այլ այդ կապերի բարելավումը։ Հենց սա էր հանդիպման նպատակը։ Մեր նպատակը վրացական կողմի հետ կառուցողական երկխոսությունն է, մենք շարունակում ենք ակտիվ համատեղ աշխատանքը», – նշել է Բերսեն։

Վրաստանի վարչապետ Իրակլի Կոբախիձեն և Եվրոպայի խորհրդի գլխավոր քարտուղար Ալեն Բերսեն հանդիպել են Անթալիայի դիվանագիտական ֆորումի շրջանակում։ Ինչպես հանդիպումից հետո գրել է Իրակլի Կոբախիձեն սոցիալական ցանցում, «Ալեն Բերսեի հետ հանդիպման ժամանակ մենք հաստատեցինք պատրաստակամությունը՝ էլ ավելի ուժեղացնելու համագործակցությունը և շարունակելու ակտիվ երկխոսությունը»։