Զուրա Ջափարիձեն գաղափարների պակաս ունի և մեկուկես տարի ուշացումով կրկնում է մեր գաղափարները, այս մասին ասել է «Գիրչի» անդամ Ալեքսանդր Ռաքվիաշվիլին։

«Մենք ի սկզբանե ասել ենք, որ առողջական փաստարկն օգտագործելուց ոչ մի լավ բան չի ստացվի, սակայն Միխեիլ Սաակաշվիլիի փաստաբաններն ու կողմնակիցները ինչ-ինչ պատճառներով դա օգտագործել են որպես ռազմավարություն, և դրանից ոչինչ չի ստացվել: Ի սկզբանե պարզ էր, որ այսպես է ավարտվելու, ու կարծես Զուրան էլ է դա հասկացել»,- ասել է Ռաքվիաշվիլին։

«Գիրչի. ավելի շատ ազատություն» կուսակցության առաջնորդ Զուրաբ Ջափարիձեի կարծիքով, Վրաստանի նախկին նախագահ Միխեիլ Սաակաշվիլին սխալ է թույլ տվել, երբ ուշադրությունը տեղափոխել է առողջական խնդիրների վրա և փորձել է այդ կերպ ազատություն ձեռք բերել։