«Աքսիոս». ԱՄՆ-ը նախատեսում է հաջորդ շաբաթ Օսլոյում անցկացնել միջուկային բանակցություններ Իրանի հետ
ԱՄՆ-ը նախատեսում է հաջորդ շաբաթ Օսլոյում անցկացնել միջուկային բանակցություններ Իրանի հետ։ Այս մասին տեղեկատվությունը տարածում է Axios պարբերականը՝ հղում անելով երկու աղբյուրի։
Լրատվամիջոցի տվյալներով, նախատեսվում է Դոնալդ Թրամփի հատուկ ներկայացուցիչ Սթիվ Ուիթքոֆի և Իրանի արտգործնախարար Աբաս Արաղչիի հանդիպումը։
Նշվում է, որ բանակցությունների ճշգրիտ ամսաթիվը դեռ որոշված չէ, և որևէ երկիր պաշտոնապես չի հաստատել այդ տեղեկատվությունը։
Եթե հանդիպումը տեղի ունենա, դա կլինի Թեհրանի և Վաշինգտոնի միջև առաջին ուղիղ բանակցությունը ԱՄՆ-ի կողմից Իրանի միջուկային օբյեկտների ռմբակոծումից հետո։