Երբ Մամուկա Մդինարաձեն խոսում է ընդդիմության կողմից ձեռնարկված դրական քայլերի մասին, հենց այդ  ժամանակ է ստեղծվում կեղծված տարածք և տարածվում սուտը, – այս մասին հայտարարել է իշխող թիմի անդամ Դավիթ Մաթիկաշվիլին:

Ըստ նրա, ակնհայտ է, որ ինչ-որ ուժ չի ցանկանում, որ բանակցությունները տեղի ունենան ու ավարտվեն համաձայնագրով:

«Այստեղ մենք նույնպես կարող ենք զարգացման որոշակի տեսլական ունենալ: Երբ Մամուկա Մդինարաձեն խոսում է ընդդիմության կողմից ձեռնարկված դրական քայլերի մասին, հենց այդ ժամանակ է ստեղծվում կեղծված տարածք և տարածվում սուտը, ինչը, նրանց կարծիքով, կանխելու է ընդդիմության կողմից ձեռնարկված այդ դրական քայլերը: Իրականում ակնհայտ է, որ ինչ-որ ուժ չի ցանկանում, որ բանակցությունները տեղի ունենան և ավարտվեն համաձայնագրով, կուսակցություններն ընդունեն վերկուսակցական որոշում, բոլորը մտնեն խորհրդարան:

Երբ խոսում ենք փոխզիջումների մասին, պետք է նկատի ունենալ, որ «Վրացական երազանքի» կողմից այսօր արդեն երկու ուղղությամբ ընթանում է շատ կարևոր գործընթաց, այն ինչ ընդդիմության պահանջն է, ցանկությունը: Առաջինը, աշխատանքային խմբի ներսում կա ակտիվ ընտրական բարեփոխում, ինչպես նաև ընտրությունների արդյունքները ուսումնասիրող հետաքննող հանձնաժողով: Մենք շատ թափանցիկ հետաքննություն կանցկացնենք, և եթե խոսվում է ցանկացած տեսակի սխալի մասին մինչև 1 տոկոս, «Վրացական երազանքի» խոստումը, անկասկած, ուժի մեջ է: Այս երկու ուղղություններում աշխատանքներ են տարվում, ինչը ընդդիմության պահանջն է, իսկ այժմ հերթն ընդդիմությանն է: Նրանք պետք է ձևավորվեն և պայմանավորվեն, որ հաշվի առնեն միջազգային գործընկերների խորհուրդները և կառուցողական առաջարկներով գան բանակցությունների սեղանի շուրջ»,- ասել է Դավիթ Մաթիկաշվիլին:

«Վրացական երազանք» խմբակցության նախագահ Մամուկա Մդինարաձեն երեկ հայտարարել է, որ իրենք ողջամիտ սպասումներ ունեն և որոշ տեղեկություններ, որ ընդդիմության ներկայացուցիչները առաջիկա օրերին որոշ փոխզիջումային քայլեր կձեռնարկեն: