Աջարիայի կառավարության շենքի մոտ ընթացող ցույցի մասնակիցների և քաղաքացիներից մեկի միջև տեղի է ունեցել ընդհարում: Քաղաքացին գնացել է հանրահավաքի և «Միասնական ազգային շարժման» անդամներին ասել, որ բնակչությունը թույլ չի տա նրանց վերադառնալ իշխանության:

Նշված քաղաքացին ցուցարարներին հիշեցրել է նախորդ իշխանությունների կառավարման շրջանը և նշել, որ «Միացյալ ազգային շարժման» կառավարման տարիներին մարդիկ ֆիզիկական բռնության են ենթարկվել:

«Դա անհնար է, մենք թույլ չենք տա, որ ձեր իշխանությունը վերադառնա, ինչպես և ինչ նամուսով եք դա պահանջում», – ասել է քաղաքացին, որին հաջորդել է ցուցարարների բողոքը և ֆիզիկական առճակատումը:

Իրավիճակը լիցքաթափել են իրավապահները: Հանրահավաքի կազմակերպիչների խոսքով ՝ քաղաքացին սադրիչ էր, և նա հատուկ էր եկել հանրահավաքի ՝ անկարգություններ առաջացնելու համար: