Վրաստանի արտաքին գործերի նախարար Դավիթ Զալկալիանին «թվիթերով» արձագանքել է նոյեմբերի 2-ին Վիեննայում տեղի ունեցած ահաբեկչությանը և իր վիշտն է արտահայտել դեպքի կապակցությամբ:

«Ես ցնցված եմ Վիեննայում տեղի ունեցած ահաբեկչության պատճառով: Ցավակցում եմ ավստրիացի ժողովրդին և զոհվածների ընտանիքներին և մաղթում շուտափույթ ապաքինում տուժածներին», – նշում է նախարարը:

Արտաքին գործերի նախարարի խոսքով, ահաբեկչությանը պետք է հաղթել ամբողջ աշխարհում:

«Ահաբեկչությունն ու մարդու հիմնարար իրավունքների ոտնահարումը պետք է պարտության մատնվի միասնական ուժերով և Վրաստանը պատրաստ է կատարել այդ առաքելությունը ձեզ հետ միասին»,- ասված է հայտարարության մեջ:

Վիեննայում հարձակումը տեղի է ունեցել նոյեմբերի 2-ին, տեղական ժամանակով 20:00-ին: Ոստիկանության տվյալներով, զինված անձը կրակ է բացել վեց տարբեր վայրերում, այդ թվում ՝ սինագոգային հարակից մեկի: Հինգ մարդ զոհվել է, 15-ը վիրավորվել: Ավստրիայի կառավարությունը կատարվածը համարում է ահաբեկչական գործողություն: Երկրի ներքին գործերի նախարարության տեղեկությամբ, հարձակվողներից մեկը սպանվել է, մեկը որոնվում է: Իրավապահները Վիեննայի բնակիչներին հորդորում են մնալ տանը:

Devastated by t/news about terror attack in #Vienna??.Sending condolences 2??people, families of t/victims &wishing quick recovery 2injured!With joint efforts, terrorism& violation must be defeated&?? is strongly committed 2accomplish this mission together with you! @MFA_Austria

— David Zalkaliani (@DZalkaliani) November 3, 2020