Դեսպանը հրաժարական է տվել իր հետ նախնական խորհրդակցության հիման վրա, որի ընթացքում տիկին Թեա Կատուկիային բացատրվել է, որ գերատեսչությունը գոհ չէ իր գործունեությունից Ֆրանսիայում դեսպանի պաշտոնում գտնվելու ընթացքում,- նշվում է Վրաստանի արտաքին գործերի նախարարության հաղորդագրության մեջ։

Ըստ նրանց իսկ հայտարարության, զարմացած են Թեա Կատուկիայի կողմից արտաքին գործերի նախարարության հասցեին հնչեցրած զրպարտչական մեղադրանքներից։

«Մենք զարմացած ենք տիկին Թեա Կատուկիայի զրպարտչական մեղադրանքներից՝ ուղղված Վրաստանի արտաքին գործերի նախարարությանը։ Դեսպանը հրաժարական տվեց իր հետ նախնական խորհրդակցությունից հետո, որի ընթացքում տիկին Թեա Կատուկիային բացատրեցին, որ գերատեսչությունը գոհ չէ նրա աշխատանքից Ֆրանսիայում դեսպան աշխատելու ընթացքում: Ցավոք, նա չկարողացավ ապահովել իրեն վերապահված իրավունքների ու պարտականությունների պատշաճ կատարումը և Վրաստանի շահերի պատշաճ պաշտպանությունը եվրոպական այս կարևորագույն երկրում։

Ինչպես գիտեք, Վրաստանի հարաբերությունները Ֆրանսիայի հետ, այդ թվում՝ հաշվի առնելով մեր երկրի եվրոպական և եվրատլանտյան ինտեգրման ներկա օրակարգը, անցել են ամենակարևոր փուլի, որը պահանջում է դեսպանատանը բարձր որակավորում ունեցող և փորձառու դիվանագետի գործուղում ղեկավար պաշտոնում»,- ասված է հաղորդագրությունում։

Ֆրանսիայում Վրաստանի դեսպան Թեա Կատուկիան այսօր սոցցանցում գրել է, որ ճնշումների պատճառով լքում է դեսպանի պաշտոնը։