Ադրբեջանի փոխվարչապետ Շահին Մուստաֆաևը ժամանել է Հայաստան
Ադրբեջանի փոխվարչապետ Շահին Մուստաֆաևը, պատվիրակության ուղեկցությամբ, ժամանել է Հայաստան: Ադրբեջանի կառավարության անդամներին տեղափոխող ինքնաթիռը վայրէջք է կատարել Երևանի օդանավակայանում։
Նշենք, որ Շահին Մուստաֆաևը Ադրբեջանի և Հայաստանի միջև պետական սահմանի սահմանազատման պետական հանձնաժողովի նախագահն է։
Հայ-ադրբեջանական պետական սահմանի սահմանազատման և սահմանային անվտանգության հանձնաժողովների վերջին նիստը տեղի է ունեցել Գաբալա քաղաքում անցյալ տարվա նոյեմբերի 28-ին։