Ադրբեջանական լրատվամիջոցների հաղորդմամբ, երկրի արտաքին գործերի նախարար Ջեյհուն Բայրամովի և ԱՄՆ-ի պետքարտուղարի տեղակալ Սթիվեն Բիգանի միջև կայացել է հեռախոսազրույց:

Ադրբեջանի արտաքին գործերի նախարարության փոխանցմամբ, Բայրամովն իր գործընկերոջը տեղեկացրել է Ղարաբաղում ստեղծված իրավիճակի մասին:

Ըստ ադրբեջանական լրատվամիջոցների, հեռախոսազրույցի ընթացքում Սթիվեն Բիգանը մտահոգություն է հայտնել տարածաշրջանում լարվածության աճի և ռազմական գործողությունների աշխարհագրության ընդլայնման կապակցությամբ և մեկ անգամ ևս ընդգծել է երկխոսության կարևորությունը:

Բացի այդ, Ադրբեջանի արտաքին գործերի նախարարը հեռախոսազրույց է ունեցել Ռուսաստանի արտաքին գործերի նախարար Սերգեյ Լավրովի հետ: Մամուլի հաղորդմամբ, հեռախոսազրույցի ընթացքում Սերգեյ Լավրովը մտահոգություն է հայտնել տարածաշրջանում լարվածության աճի կապակցությամբ, իսկ Ադրբեջանի արտաքին գործերի նախարարը մանրամասն տեղեկություններ է հաղորդել իր ռուս գործընկերոջը առկա իրավիճակի վերաբերյալ: