Աբբաս Արաղչի. Եթե ԱՄՆ-ը գիտակցի, որ ճնշումը չի գործում, դիվանագիտության վերականգնումը հնարավոր է

Իրանի արտաքին գործերի նախարար Աբբաս Արաղչին հայտարարում է, որ դիվանագիտական գործընթացի վերսկսումն անհնարին չէ, սակայն դա կախված է նրանից, թե արդյոք ԱՄՆ-ը կգիտակցի, որ «ճնշումը չի գործում»:

Արաղչիի խոսքով՝ նա «ստեղծագործ քննարկում» է ունեցել Կատարի վարչապետի և արտաքին գործերի նախարարի հետ:

Իրանի արտաքին գործերի նախարարի հայտարարությամբ՝ Վաշինգտոնը պետք է հոգ տանի վստահության վերականգնման մասին, Իրանի հետ խոսի հարգանքով, ճանաչի նրա իրավունքները և կատարի ստանձնած պարտավորությունները: